نصيحة بخصوص دراسه ال CMA

ياجماعه انا نفسي بجد والله ادرس الـ CMA وفكرت كتير جدا ويوم ماستقريت وكان معايا فلوس ادرسها روحت شركة IPA ادرسها كان كورس بتاريخ 2009/3/18 وكان PART2 اصعب جزء فى النظام القديم بس المفاجاة ان هما هناك حاطين اول واحد يدرس النظام د طارق عزب صاحب المركز وبصراحة راجل قمة فى الزوق والخبرة والشرح بس بيشرحلنا اول UNIT فقط وبس هو وواحد تانى اللى ممتازين شرحولنا 4 وحدات والباقيين كانو لسه واخدين الشهادة وجايين يتعلمو فينا ولا في اهتمام ولا حاجة وعشان كدة ماكملتش الدراسة عموما ولافكرت ادخل الاكتحان واكتفين بشهادة حضور من المركز واللى المفروض الناس تعملة تتفق مع دكتور من اى مركز ويكون دكتور كويس ويدريلهم بريفيت واحنا اتفقنا مع واحد بس الساعه ب300 جنية فمحتاجين ناس معانا واحنا 3 ودة احسن حل لو كنا مثلا7 اشخاص تتقسم عليهم الكورس هيعمل تقريبا زي المراكز اللى بتدرس بس الفرق انك هتختار دكتور كويس ياريت اللى يحب يشترك يكلمنى على الميل
MMMSSS510@YAHOO.COM
ونتفق وناخد اقترحات بعض واكيد هننجح على النظام الجديد انشاء الله واكيد البرايفت احسن جدا واسهل

اقدم لكم ملف خفيف وجميل عن كتابه السواقين على السيارات

بمناسبه جملة شوفتها علي سيارة اليوم حبيت اقدم لكم هذا الملف الجميل جدا فيه الجمل اللى بيكتبوها السواقين على السيارات والميكروباصات وكمان شامل تغيير فى بعض الامثله المصرية وهاكتب ليكم هنا بعض تلك الجمل ومرفق اسفل الموضوع ملف صغير 200 كيلو به كل الامثله والجمل لتحميل الملف اضغط على الصورة اسفل الموضوع

1-متبصليش بعين رضية دنا طلع عين أمى فى السعودية
2-ربنا يحميكى من الميكانيكى
3-الحلوة من حلوان وصاحبها راجل غلبان
4-ماتبحلقش كدة يا لوح ، دى جت بطلوع الروووح
الان اترككم مع الملف به كل الجمل

للتحميل

اسلاميات جميله

اقدم لكم ملفات بور بوينت جميله جدا 5 ملفات ولا اروع عن الدعاء والاذكار والجنة وغيرها معموله بطريقة جميله جدا بارك الله فى الشخص صاحب التصميم الجميل ويارب الناس كلها تستفاد باذن الله
الملف كله لايتجاوز ميجا بايت لتحميله اضغط على الصورة اسفل الموضوع

للتحميل

حكايتى مع جزار المحمول

السلام عليكم
اسف لتاخيرى كتابه المواضيع فى باب لقطة من حياة واليوم رجعت اكتبلكم حكايتى مع جزار المحمول
المحمول بتاعي صينى بشرحتين وروحت اصلحه لان كان فى مشكلة فى البور فنزلت شارع عبد العزيز وروحت لجزار المحمول وقالي اخد عليه خمسين جنية المهم اتفقنا على اربعين مهم الباشا صلح موبيل وجيت اجربة لقيت خطين ابيض فى اسفل الشاشه بقوله ايه ده قالى تلاقينى لمست شاشة بايدي وانا شغال بس مش مشكلة مهم قولت خلاص مهم جهاز اتصلح احسن ماجيب واحد جديد ومشيت تانى يوم بعمل مكالمة الاقي المايك بايظ قولت فل الجزار صلح شي وبوظ شي مهم روحتلة قالى طيب مافيش مشاكل خد جهاز قالى هات مايك اشتريت مايك والباشا كان سقط مايك المرة الاولى ورماة من غير ماخد بالي لانه ماطلعش شي من موبيل مهم جيبت مايك وركبه من محل بتاع اكسسورات بتاعهم وجية يشغل لقينا شاشة اتحرقت جاب شاشة مستعمله ركب وجهاز اشتغل لقيتة بيقولي عايز 15 جنية تصليح مايك قولتله هو انا اللى بوظتة قال انا ايه عرفنى مهم قفشت انى مش ادفع قالى مش كفايه انى شلت شاشة على حسابي ( والله ياجماعه الحرفه بقيت لعبه اما دة عشان يصلح حاجة يخرب امامها عشرة بس والله ياجماعه الاربعين جنية فى الاول مش مستاهله ماكملش دقيقه فى تصليح جهاز ومش ركب شي بس استغلال وعدم ضمير اهم من حرفه حاليا ) مهم اخر مازهقت معاه قولتله بص هادفعلك نص تصليح مايك ودة من عندي قالى لا امشي احسن قولتله شكرا ومشيت ودى نهايه القصة
بس ياجماعه والله دة جزار فعلا واستغلالي ومش محترم انا سهل عليه انزل كارت بتاعه باسكنر هنا بس مش حابب اقطع عيش حد وربنا يهديه
وياريت ياجماعه ننصح الناس قبل ماتفكر تشتغل حرفه تتعلمها

حلقه جديدة من لقطة من حياة

اليوم هاحكيلكم على حوار جامد حصل معايا وامامى على مدى يومين فى تصليح موبيل بشارع عبد العزيز بالعتبة
نبدا اليوم باللى حصل امامى
والبداية انى روحت اصلح الموبيل فى شارع عبد العزيز عند س من الناس وواحد كان بيصلح امامى تليفون المهم المعلم اللى بيصلح تليفونات او الجزار اللى بيصلح تليفونات بيطلب مبالغ جامدة دة على اساس انه دكتور بيصحي الموبيل من جديد واحد بيصلح معاه الموبيل بعد ماصلح الموبيل لقيتة بيديله كارت وتعالالى فى اى وقت طبعا بعد ماخد منة الفلوس اللى هو طالبها واتصل وانا هارد عليكي انا مافييش حوار التكبر على الناس وبرد على اى رقم وفى اى وقت الحمد لله التكبر دة مش عند الواحد بس
المهم وخلص الحوار تانى يوم روحتله لان الزار ماكنش صلح الموبيل كويس كان صلح شي وبوظ اشياء تانى وانا واقف الجزار راح يجيب حاجة من محل فموبيله ضرب اما رجع واحد من اللى فى المحل بيقوله موبيلك رن وللى رن عليه رقم غريب قاله ياعم انا اتخنقت جدا دة كل شوية رقم يرن عليه امبارح ماسكنى رقم غريب رن عليه كتير عارف مش هتصدق رن عليه تقريبا 120 او 130 مرة تقريبا لدرجة عملت الموبيل صامت
فطبعا اسمعك كلامك اصدقك اشوف امورك استعجب قولت جايز اخوة اللى عطي الراجل كارت امس دة نوع من انواع الكدب والنفاق والتستر وراء اخلاق حميدة ونفاق وكل ماتتخيله في حين ان العامل او الاجير او البائع عموما امانتة هى راس ماله

بالاضافه ان الباشا فتح موبيل لواحد يصلحة لقي شي جوة مش فى مكانة نقله وقفل عليه الشاب بيقوله كام قاله 10 جنية وكل اللى عملة فتح وقفل الموبيل الشاب بيقولة ليه هو انت عملت ايه قاله انا لازم احور عليك واقول عملت وسويت انا ياعم مش بفتح موبيل اقل من 10 جنية افرض وانا بفتحة حصل فيه شي باظ انا اللى هاشيله والشاب دفع 10 جنية ومشي (جشع طبعا واستغلال ظروف) في حين تانى يوم اما روحتلة جاله واحد مديله يركب شاشة عشان شوشة مش كويسة قاله 45 جنية قاله طيب بيفتح جهاز جهاز فصل خالص قاله كدة هاخد 40 تصليح قاله الجهاز كان سليم قاله قدرك كدة يعنى انا اللى اشيله باظ اتحملة انا ليه غير طبعا طريقه فعلا ولا المساجين
هل دة اسلوب بيع وشراء هل دة اسلوب شخص امين طبعا انا سهل اكتب اسمه بس انا اتمنى الناس تتحول للاحسن وتكون كويسة هتفرق كتير مع البلد دي مش الناس مش لاقيه تاكل وتروح تصلح الموبيل عند شخص مسوتاة ضعيف وشاف ان تصليح موبيلات حرفه يسترزق منها يقوم ياخد فلوس الناس الغلابه اللى جايه تصلح الموبيل اللى هما غلابه زي كل الشعب لو كانو معاهم فلوس كانرو رمو موبيل وجابو جديد مش هيصلحو ياله ربنا معانا ويعفينا من شر انفسنا


بكرة او غدا اكلمك على موبيلي مع الجزار